Deputeti i Lëvizjes Vetëvendosje, Artan Abrashi, ka reaguar pas përplasjeve në Kuvendin e Kosovës, duke përsëritur ofertën e VV-së ndaj Partisë Demokratike të Kosovës (PDK) për postin e kryeparlamentarit.
Abrashi ka përmendur Vlora Çitakun si kandidate të mundshme për këtë pozitë, nëse kryetari i PDK-së, Bedri Hamza, pranon ofertën e kryeministrit në detyrë, Albin Kurtit.
“PDK e fiton kryeparlamentarin vetëm dhe vetëm që të mos e bllokojë zgjedhjen e presidentit të ri”, ka shkruar Abrashi.
