Kaderi dhe Lumbardhi vazhdojnë shëtitjet nëpër Evropë – ku shkuan kësaj radhe?

Fituesi i edicionit të dytë të Big Brother VIP Kosova, Lumbardh Salihu dhe e dashura e tij, Kader Kicaj, po ashtu ish-konkurrente e të njëjtit sezon të formatit televiziv më të ndjekur në vend, po vazhdojnë të shijojnë romancën e tyre, dhe jo vetëm.

Pas vizitës që ata kishin në Mallorca të Spanjës, dyshja kanë udhëtuar drejt një shteti tjetër evropian.

Kader dhe Lumi tanimë gjendet në Vienë të Austrisë, nga ku edhe publikuan disa fotografi, të cilat i ndanë me ndjekësit në mediat sociale.

Kujtojmë se romanca e tyre nisi përgjatë aventurës televizive në Big Brother VIP Kosova 2.