Artistja Blerina Matraku ka reaguar pas publikimit në internet të disa videove intime, në njërën prej të cilave shfaqet ajo bashkë me kompozitorin Adi Hila.
Përmes një reagimi në rrjetet sociale, Matraku ka folur për ndikimin që, sipas saj, publikimi i videove ka pasur në jetën e saj dhe familjen e saj.
Ajo ka treguar se situata ka shkaktuar pasoja të rënda në familje, duke thënë se babai i saj është larguar nga shtëpia, ndërsa ka folur edhe për gjendjen e nënës.
Matraku ka deklaruar gjithashtu se para se të krijohej raporti mes tyre, Hila i kishte thënë se ishte i divorcuar nga bashkëshortja e tij.
Në reagimin e saj, artistja i është drejtuar edhe Hilës, duke thënë se ai duhet të mbajë përgjegjësi për pasojat që ajo pretendon se ka përjetuar pas publikimit të videove.
“Nuk kam sy e faqe të dal para asnjë individ, e para asnjë familjari”, ka shkruar Matraku.
Reagimi i saj vjen pas shpërndarjes së videove intime në rrjete sociale dhe platforma të ndryshme online.
