Zëvendësministri i Infrastrukturës, Hysen Durmishi ka publikuar draft-raportin e testtimit të Urës së Ibrit.
Ai ka thënë se sipas raportit, ura mbi lumin Ibër është stabile, e qëndrueshme dhe funksionale, shkruan gazeta online Reporteri.net.
“Sapo kemi pranuar raportin nga testimi i kapacitetit të mbajtjes së strukturës së urës ekzistuese mbi lumin Ibër. Raporti konkludon qartë se struktura e urës mbi lumin Ibër është stabile dhe funksionale dhe si e tillë mund të përdoret për shfrytëzim pa asnjë kufizim në ngarkesë.”, tha ai.
Ai shtoi se raporti që e kanë pranuar sot është preliminar.
“Do të presim edhe atë final për të pasur edhe rezultatet përfundimtare mbi funksionalitetin e urës së Ibrit sa i përket aspektit teknik.”, ka shtuar Durmishi.
Javën e kaluar janë bërë disa testime në Urën e Ibrit për të parë nëse kjo urë është e gatshme për t’u hapur për trafik, pasi nga Qeveria po insistojnë për ta hapur.
Idenë për hapjen e Urës së Ibrit e kanë kundërshtuar ndërkombëtarët.