Momenti kur familja myslimane Salihu nga Mitrovica ia fali gjakun familjes katolike Prenku nga Gjakova, pasi djali u vdiq dje në aksidentin në Shipol

Sot iu dha lamtumira e fundit të riut mitrovicas, Qlirim Salihut, shkruan Mitrovica SOT

Qlirim Salihu humbi jetën dje në rrugën “Dëshmorët e Kombit” në lagjen e Shipolit teksa po ngiste motoçikletën kur u ndesh me një veturë.

I ndjeri punonte në një piceri dhe angazhohej në shpërndarjen e porosive.

Ai ishte në orar të punës në kohën e aksidentit fatal.

Ndërkohë në ceremoninë e varrimit, familja Salihu ia ka falur gjakun e birit të tyre familjes Prenku nga Gjakova.