Irani ka njoftuar rihapjen e Ngushticës së Hormuzit për të gjitha anijet tregtare, duke i dhënë fund bllokimit të fundit në këtë nyje strategjike detare.
Lajmin e bëri të ditur ministri i Jashtëm iranian, Abbas Araghchi, i cili tha se vendimi është marrë në kuadër të armëpushimit të arritur dhe marrëveshjeve të koordinuara me institucionet detare iraniane.
Sipas autoriteteve iraniane, kalimi për anijet tregtare do të mbetet i hapur gjatë periudhës së armëpushimit, duke rikthyer qarkullimin normal në një nga rrugët më të rëndësishme të transportit të naftës në botë.
