Deputeti i Partisë Demokratike të Kosovës, Hisen Berisha, ndonëse është shprehur se Ura e Ibrit duhet të hapet me bindjen e partnerëve ndërkombëtarë, zhvillimet e fundit i ka parë krejtësisht në lente elektorale të Lëvizjes Vetëvendosje.
“E them pa ekuivoke se, fatkeqësisht, kryeministri Kurti po insiston ta hap urën në prag të zgjedhjeve për efekte elektorale, për të forcuar mbështetjen politike duke rritur nacionalizmin e popullzimin për ta ruajtur votën”, ka thënë ai.
“Kjo është një shkollë e vjetër e regjimeve totalitare komuniste që udhëhiqen nga doktrina e varfërimit të qytetarëve dhe mashtrimit, si dhe teoritë konspirative të frikësimit të qytetarëve, me tema që janë jashtë fuqisë së vet shtetit”, ka thënë ai.
