Audi ka zgjeruar prodhimin e serive sportive. Pas Q8 dhe SQ8, prodhuesi gjerman po planifikon ta nxjerrë edhe serinë RS Q8. Pas publikimit të këtij modeli u bë edhe testimi në një nga pistat më të njohura “Nurburning”.
Kjo veturë e ka thyer rekordin për kohën më të shpejtë për kategorinë e veturave SUV, të cilin më parë e mbante vetura Mercedes-Benz AMG GLC 63 S. Modeli RS Q8 këtë pistë e kaloi për 7 minuta e 42 sekonda, shtatë sekonda më shpejt se rekordi i mëparshëm.
“Audi RS Q8 ka motor me vëllim prej 4,0 litrash, me tetë cilindra, i cili prodhon 600 PS, njësoj si modelet RS6 dhe RS7. Shpejtësinë nga 0 deri në 100 kilometra në orë e arrin për vetëm 3,8 sekonda, ndërsa shpejtësinë maksimale e ka të kufizuar në mënyrë elektronike në 250 kilometra në orë“, shkruan Motor Trend përcjellë Klan Kosova. Ky model ka 600 kuajfuqi dhe ka një çmim prej 127 mijë eurosh.