Ministrja Gërvalla e quan luftën në Ukrainë momentum të mirë për Kosovën

Para anëtarëve të Komisionit për Punë të Jashtme dhe Diasporë, të hënën, raportoi ministrja Donika Gërvalla.

Kjo tha se ka zhvillime që këtë e bëjnë optimiste për anëtarësimin e Kosovës në Këshillin e Evropës.

Ministrja Gërvalla gjithashtu bëri thirrje për vigjilencë nga sulmet e mundshme ushtarake ndaj Kosovës, ani se tha se deri tani nuk ka sinjale konkrete për një gjë të tillë.

E deputetja Ariana Musliu-Shoshi, ani se i ofroi mbështetje ministres, e kritikoi për pjesëmarrjen e saj në takime bashkë me presidenten Vjosa Osmani e kryeministrin Albin Kurti.

Gërvalla ia ktheu kësaj duke vlerësuar se pjesëmarrja e saj në takime me presidenten e kryeministrin nuk e pengon punën e saj.