Gazetari Valon Syla ka komentuar arrestimin e Dardan Molliqajt duke thënë se në njëfarë mënyrë e kishte paralajmëruar arrestimin e tij mbrëmë në emisionin Pressing.
Syla thotë se mbrëmë është kritikuar edhe nga anëtarët e familjes së ngushtë, por që e ka ditur kur ka thënë se qëllimi i PSD-së është viktimizimi.
“Mbramë bërtita në T7, edhe më kritikuan… madje edhe familja e ngushtë. Por ju thash që qëllimi i PSD është me dalë kaçak, jo interesi i qytetarëve dhe rritjes së energjisë elektrike…Ikni tash, se misioni i PSD është viktimizimi dhe faktorizimi si opozitë…”, tha ai.
Tutje ai tregoi pse nuk del në debate me anëtarë të PSD-së, duke marrë si analogji marrjen pjesë në cirk të tigrit e luanit, por jo edhe ujkut.
“Ky Dardan Molliqaj kaçak se i ra shpullë policit. Për ata si boj kuorum, në debate. Ujku, tigri edhe luani janë shtazë të egra. Por, luani dhe tigri shpesh herë bëhen pjesë e cirkusit… por ujku jo. Armiku edhe ujku nuk flejn”, përfundoi ai.
