Pas votimit të Nenad Rashiq, dhe konstituimit të Kuvendit të Kosovës, deputeti i Vetëvendosjes, Agim Bahtiri ka thënë se ata i kanë votat edhe për formimin e Qeverisë.
“Ju kam thënë në mëngjes që do të kryhet sot…I kemi edhe votat për qeverinë“, tha ai.
Nga votimi i mbajtur, Rashiq ka marrë 71 vota për, 9 kundër dhe 24 abstenime, ka bërë të ditur kryetari i Kuvendit, Dimal Basha teksa në sallë u dëgjuan duartrokitje.
Për Rashiqin votuan edhe deputetët e LDK-së, ndërsa PDK-ja dhe AAK-ja abstenuan, dhe Lista Serbe votoi kundër./Insajderi
