E dhimbshme: Një punëtor humb jetën në vendin e punës

Një ngjarje e rëndë ka ndodhur dje në Rahovec, ku një punëtor ka humbur jetën në vendin e punës.

Sipas raportit të Policisë së Kosovës, viktima është dërguar pa shenja jete në emergjencën e Spitalit të Gjakovës.

Pas marrjes së informatës, njësitet përkatëse të policisë kanë dalë në vendin e ngjarjes dhe kanë nisur hetimet për zbardhjen e rrethanave të rastit.

Rasti po trajtohet si “Asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës”, ndërsa autoritetet janë duke punuar për të kuptuar nëse janë shkelur rregullat e sigurisë në punë.