D’Alema: Rugova profet i paqes, kur më thirri Clinton për të më falënderuar i thashë duhet ta telefonosh atë

Ish-kryeminstri i Italisë, Massimo D’Alema ka kujtuar kohën kur ishte takuar me ish-presidentin e Kosovës, Ibrahim Rugova.

Ai tha se më shumë se kurrë Ballkanit i duhet fryma e Rugovës.

Sipas tij, Rugova thoshte se “Pavarësia e Kosovës do të stabilizionte rajonin”.

“Rugova, ky intelektual i madh, kam pas kënaqësi ta takoj dhe të diskutoj për fatin e vendit të tij. Sot përderisa kujtojmë Rugovën veçse po i rikujtojmë sakrificat e popullit të Kosovës”, tha ai në Konferencën Ndërkombëtare “Rugova dhe Perëndimi”.