Kryetarja e Kuvendit të Kosovës, Vjosa Osmani, është pyetur nga deputeti i Partisë Demokratike të Kosovës, Memli Krasniqi, se cili është qëndrimi i saj lidhur zhvillimet e fundit në raport me Shtetet e Bashkuara të Amerikës.
“Ju keni pozitën më të lartë institucionale nga të gjithë zyrtarët e LDK-së dhe është me rëndësi qëndrimi juaj”, ka pyetur kryetaren e Kuvendit, deputeti Krasniqi. Ndërkaq, kryekuvendarja Osmani ka thënë se qëndrimi i saj është tashmë i ditur dhe nuk ka ndryshuar asnjëherë gjatë karrierës së saj politike, përcjell KP.
“Marrëdhëniet me Shtetet e Bashkuara të Amerikës janë ekzistenciale për shtetin tonë”, ka thënë Osmani. Kjo deklaratë e saj vjen pas një heshtje disa ditore në lidhje me zhvillimet e fundit për heqjen eventuale të taksës.
