Prindërit e argjentinases së vrarë në Fushë Kosovë në gusht të vitit të kaluar kanë treguar se janë në Kosovë për të kontraktuar avokat pasi për shkak të distancës shpenzimet i kanë të larta.
Ata ishin të enjten në studion e emisionit Kosova Today në Klan Kosova.
Facundo Urdgangaray dhe Magdalena Delmonte, nuk mundën të përmbanin lotët pasi u pyetën në lidhje me vajzën e tyre.
Nëna e saj, Magdalena Delmonte tregoi arsyen që pse kanë ardhur në Kosovë.
“Kërkojmë drejtësi, ne udhëtuam në Kosovë për të kontraktuar një avokat Besim Shala, që është personi që do të na përfaqësojë duke filluar tash, dhe do të jetë ai që do të na informojë, është e vështirë për shkak të distancës shpenzimet janë të larta”, u shpreh ajo.
