Një grua nga Mitrovica është arrestuar gjatë mesditës së djeshme, pasi ka sulmuar fizikisht zyrtarët policorë, shkruan Gazeta Metro.
Rasti ka ndodhur në rrugën “Mbretëresha Teutë”, të Mitrovicës, gjatë arrestimit të së cilës një nga zyrtaret e policisë ka pësuar lëndime trupore.
Policia ka bërë të ditur se viktima ka pranuar tretman mjekësor, ndërsa e dyshuara me vendim të prokurorit është dërguar në mbajtje.
Njoftimi i plotë:
“Është arrestuar e dyshuara femër K-Shqiptare, pasi që e njëjta ka sulmuar zyrtaret policor. Gjatë arrestimit një zyrtare policore pëson lëndime trupore dhe e njëjta ka pranuar tretman mjekësor. Me vendim të prokurorit e dyshuara dërgohet në mbajtje”. /gazetametro.net
