Anëtari i Kryesisë së Lëvizjes Vetëvendosje, Ajet Potera, ka kritikuar bashkëpartiakët e tij në VV, duke thënë se po i bëjnë ledhatim Lidhjes Demokratike të Kosovës, shkruan Gazeta Blic.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Madje, ai ka dhënë akuza për ofertën që VV ia ka bërë LDK-së, duke thënë se nuk mund të ketë ndryshim me akterët e njëjtë në pushtet. Potera, i cili ka qenë kandidat për deputet në zgjedhjet e fundit nga partia e Albin Kurtit, ka shpalosur ofertën e tij që duhet tia bëjnë LDK-së, duke thënë ose merrne ose lëreni fare. Kurse, sipas tij, VV-së, duhet t’i takojnë shtatë ministri.
Postimi i plotë i Ajet Poterës
Nuk quhet ndryshim në qeveri me të njëjtit akter, për të cilin ndryshim kanë prit dhe kanë votuar populli. Ai ka votuar Lëvizjen VETËVENDOSJE! si ndryshim, nëse nuk i merr dikasteret të cilat kanë më së shumti ngecje, ai nuk quhet ndryshim por vazhdimësi e keq qeverisjes. Po më bëjnë nervoz kolegët e mi të Lëvizjes me këtë ledhatim. Ne jemi fitues dhe i marrim Kryeministrin dhe këto ministri;
1. Ministrinë e Punëve të Brendshme
2. Ministrinë e Financave
3. Ministrinë e Drejtësisë
4. Ministrinë e Arsimit
5. Ministrinë e Shëndetësisë
6. Ministrin e Punëve të jashtme
7. Ministrin e Mbrojtjes
(edhe ministrin e ekonomisë dhe infrastruktës është gjynah më ja dhënë dikujt tjetër). Ju tjerët e merrni Kryeparlamentarin dhe tri ministri! Dy ministri ju takojnë minoriteteve, ose merrni ose lerëni fare! Populli e sheh vetëm Lëvizjen VETËVENDOSJE! si ndryshim dhe ajo është fituese ju tjetër nuk jeni. Ndryshimi është Lëvizja VETËVENDOSJ! Ju tjerëve ju kemi parë në qeverisje që 20 vite.
