Nënkryetari i LDK-së, Lutfi Haziri, nuk ka treguar se kush do të jetë kandidat i kësaj partie për kryeministër.
Ai thotë se nuk kanë diskutuar brenda partisë ende për kandidatin e kryeministrit.
“Jemi në debat të brendshëm, nuk kemi ardhur deri te emrat e përveçëm, nuk e kemi komoditetin e partive tjera, Duhet ta bëjmë vlerësimin e punës së qeverisë dhe kryeministrit para se ta nominojmë kandidatin për kryeministër”, ka thënë Haziri në TV Dukagjini.
Ai ka shtuar se vlerësimi i brendshëm në LDK për punën e qeverisë është duke ndodhur dhe se ky vlerësim i jep përparësi Avdullah Hotit.
Haziri ka pohuar më tej se janë duke punuar për rikthimin e LDK-së.
Ai ka thënë se LDK duhet të luftojë fillimisht me LDK-në, pastaj me rivalët.