Kandidati për kryeministër nga Lëvizja Vetëvendosje, Albin Kurti, në kuadër të vizitës dy ditore në Paris, ka vizituar ministrinë e Punëve të Jashtme të Francës në Quai D’Orsay.
Aty është takuar me drejtorin për Evropën Kontinentale, Frédéric Mondoloni, shefin e Departamentit për Ballkanin Perëndimor, Thomas Bertin, dhe drejtorin e Kabinetit të Ministrit të Çështjeve Evropiane, Vincent Guerend, njofton Klan Kosova.
“Pas urimeve të tyre për suksesin tonë në zgjedhje dhe falënderimeve të mia për mbështetjen e Francës për Kosovën, diskutuam për marrëdhëniet bilaterale midis dy shteteve tona, zhvillimet politike në Kosovë dhe situatën rajonale në Ballkan”.
