Ish-kryeministri i Kosovës, Albin Kurti ka nënshkruar peticionin për zgjedhje të iniciuar nga partia që drejton ai, Lëvizja Vetëvendosje.
“Zgjedhjet janë qëllimi ynë politik sepse zgjedhjet janë parimi i shkelur demokratik. I ftoj të gjithë qytetarët që ta nënshkruajnë peticionin në sheshin e qytetit të tyre, nëse nuk e kanë bërë këtë deri më tani”, shkruan ai në Facebook, transmeton Klan Kosova.
Dje ishte dita e fundit e Kurtit si kryeministër pasi për drejtimin e Qeverisë në seancën e së mërkurës iu dha besimi, Avdullah Hotit.