Një person është arrestuar nën dyshimin se ka kanosur ministrin në detyrë të Punëve të Brendshme, Xhelal Sveçla, përmes rrjeteve sociale.
Sipas raportit 24-orësh të Policisë së Kosovës, rasti është cilësuar si “Kanosje” dhe është raportuar në Prishtinë. Arrestimi i të dyshuarit është kryer më 7 korrik 2026.
“Është arrestuar i dyshuari, pasi i njëjti përmes rrjeteve sociale kishte kanosur Ministrin e Punëve të Brendshme të Republikës së Kosovës”, thuhet në raportin e Policisë.
Pas vendimit të prokurorit, i dyshuari është dërguar në mbajtje.
