Gjiganti italian i futbollit, Napoli, besohet se ka rikthyer interesimin për yllin e Përfaqësueses së Kosovës, Milot Rashicën, transmeton Gazeta Metro.
Milot Rashica vazhdon të jetë një nga futbollistët më të kërkuar kosovar në tregun e transferimeve, teksa interesim për të kanë shprehur një numër i madh i klubeve europiane.
‘Tuttosport’ shkruan se të mërkurën, drejtori sportiv i Napolit, Cristiano Giuntoli, është takuar me agjentin e sulmuesit vushtrrias, Altin Lalën.
Mirëpo, mbetet të shihet nëse klubi italian do e mposht konkurrencën e Red Bull Leipzigut, klubi i cili besohet se është më së afëri për transferimin e 24 vjeçarit.
Kujtojmë që interesim për Milot Rashicën besohet se ka shprehur edhe Milani, Liverpooli, Aston Villa e Borussia Dortmund./gazetametro.net