Pas aktakuzës nga Gjykata Speciale ndaj presidentit Hashim Thaçi dhe kryetarit të PDK’së, Kadri Veseli, Presidenti i vendit ka anuluar vizitën në Washtington e pas tij edhe Kryeministrit Avdullah Hoti, shkruan Gazeta Metro.
Hoti ka anuluar vizitën në Washington, pasi Gjykata Speciale dje ngriti aktakuzë ndaj presidentit të vendit Hashim Thaçi dhe kreut të PDK’së, Kadri Veseli.
“Për shkak të zhvillimeve të reja në Prishtinë si rezultat i akuzave të dorëzuara nga Zyra e Prokurorit të Specializuar, më duhet të kthehem në Prishtinë për tu marrë me situatën. E kam njoftuar Ambasadorin Grenell se nuk mund të marrë pjesë në takimin e datës 27 qershor në Shtëpinë e Bardhë”, ka shkruar Avdullah Hoti në Facebook.
Kujtojmë që një ditë më parë edhe presidenti i Kosovës, Hashim Thaçi, pas njoftimit të bërë publik nga Zyra e Prokurorit të Specializuar lidhur me inicimin e ngritjes së aktakuzës, ka ndërprerë udhëtimin zyrtar drejt Shteteve të Bashkuara të Amerikës, ku ishte ftuar të merrte pjesë në kudër të procesit të dialogut ndërmjet Kosovës dhe Serbisë.
Sipas Presidencës, lidhur me anulimin e vizitës zyrtare në SHBA, tashmë është njoftuar edhe Shtëpia e Bardhë./gazetametro.net