Sherafedin Mehmeti, anesteziolog në Spitalin Rajonal të Mitrovicës, ka vdekur nga koronavirusi dje në orët e mbrëmjes.
Drejtori i Spitalit të Mitrovicës, Enis Istrefi, ka thënë për Gazetën Sinjali se i ndjeri vuante nga diabeti dhe hipertensioni.
Istrefi ka thënë se viktima ishte duke u trajtuar për COVID-19 në Spitalin e Vushtrrisë ku edhe ka vdekur.
“Sherafedin Mehmeti, i njohur si Sheku, ka vdekur nga koronavirusi, por ka pasur edhe sëmundje të tjera, diabetin edhe qenë me hipertension. Ai ka qenë i hospitalizuar në Spitalin e Vushtrrisë dhe atje ka vdekur”, ka thënë Istrefi.
