Policia e Kosovës ka arrestuar në fshatin Prapaqan të Deçanit, tre vëllezër, pasi të njëjtit kishin mosmarrëveshje pronësore.
Rasti ka ndodhur dje në orën 09:20, teksa është bërë i ditur në raportin 24- orësh të policisë.
“Njësia policore ka shoqëruar në stacionin policore 3 të dyshuar meshkuj, pasi që ata kishin mosmarrëveshje pronësore. Të dyshuarit janë vëllezër. Gjatë kontrollimit të shtëpisë te të dy të dyshuarit është gjetur një armë zjarri AK-47 me 16 fishekë. Me vendim të prokurorit pas intervistimit dy të dyshuar janë arrestuar dhe dërguar në mbajtje, ndërsa i dyshuari tjetër është liruar në procedurë të rregullt”.
