Gjatë spektaklit të djeshëm ‘Prime’ të Big Brother VIP Kosova, është transmetuar një video material me protagonist Bucin – vështirësitë dhe sfidat e tij në jetë të përmbledhura brenda një rrëfimi.
Përgjatë rrëfimit, Buci ka zbuluar detaje nga sfidat e tij, e një nga më të vështirat për të rezultoi të jetë lufta e fundit në Kosovë.
Ai tha se ishte ndarë nga familja aksidentalisht, duke bërë që të përfundojë i vetëm në kohë lufte, derisa ka treguar në detaje se çfarë përjetimesh të rënda ka pasur.
Po ashtu, Buci ka treguar për njohjen me Veronën dhe problemet që kishte hasur me familjen e saj për shkak të punës së tij në klubet e natës.
/GazetaSinjali/
