Rrotullohet një veturë në Mitrovicë të veriut, lëndohen tri femra

Një aksident ka ndodhur sot rreth orës 13:00 në afërsi të bankës NLB, në Mitrovicë të Veriut, raporton Kossev.

Një automjet i cili ka goditur një tjetër automjet të parkuar është rrotulluar dhe si pasojë janë lënduar tri femra. Të lënduarat janë dërguar me autoambulancë në spital.

Policia aktualisht është duke hetuar dhe kontrolluar komunikacionin, i cili për momentin po zhvillohet vetëm nga drejtimi i Zveçanit në drejtim të Mitrovicës.