Aktivistja dhe komentuesja televizive, Zana Avdiu, e ka marrë me shqetësim paralajmërimin për rritjen e çmimit të naftës deri në 3.5 euro.
Nëse ndodh kjo, Avdiu ka thënë që mund ta shes veturën e saj, si mënyrë për t’u mbrojtur nga çmimet e papërballueshme të naftës.
“Brenda pak javësh nafta mundet me shku në 3.5 euro, po thonë naftëtarët. Unë: direkt e qes kerrin në shitje. Nga sot, nuk më duhet më”, ka shkruar ajo në llogarinë e saj në Facebook.
Në një emision televiziv, drejtori i kompanisë “Petrol Company” ka deklaruar se me këtë trend, çmimet e naftës mund të bëjnë kapërcime të mëdha.
Sipas tij, brenda 10 ditësh çmimet mund të shkojnë deri në 3.5 euro për litër nafte.
