Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit, ka mbajtur mbledhjen e rregullt, të kryesuar nga Adnan Rrustemi, kryetar.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Në këtë mbledhje, pas diskutimeve, është miratuar plani i punës së këtij komisioni për vitin 2022.
Në vazhdim, është miratuar në parim edhe Projektkodi Civil i Republikës së Kosovës nr.08/L-124.
Po ashtu, anëtarët e këtij komisioni, kanë miratuar raportin e komisioneve të përhershme për Projektligjin nr.08/L-034 për ndryshimin dhe plotësimin e Ligjit nr.05/L-049 për Administrimin e Pasurisë së Sekuestruar dhe Konfiskuar; raportin me amendamente për Projektligjin nr.08/L-020 për Bashkëpunim Juridik Ndërkombëtar në Çështjet Civile, si dhe raportin me amendamente për Projektligjin nr.08/L-026 për ndryshimin dhe plotësimin e Ligjit nr.04/L-213 për Bashkëpunim Juridik Ndërkombëtar në Çështje Penale.
Projekt-kodi i ri civil do t’i mundësojë me ligj martesat e gjinisë së njëjtë në Kosovë.
Theksojmë se Ministrja Albulena Haxhiu mungoi sot në prezantimin e këtij projekt-kodi të ri civil në komisionin parlamentar.
