Basri Lenjani, që ishte në krye të Klinikës Emergjente të SHKSUK’së, ka njoftuar se ka dhënë dorëheqje nga ky post.
Lenjani, ka përmendur ndikimin politik dhe bordin drejtues, si shkak i kësaj dorëheqje.
Ai përmes një postimi në Facebook, tha se nga sot është i lirë dhe se ndjehet krenar për kontributin e dhënë në 34 vjet.
‘’ Poashtu falenderoj stafin e Klinikës Emergjente si dhe te Klinikave tjera te QKUK-së për mbështetjen dhe bashkëpunimin korekt gjatë gjithë kohës së menaxhimit të Klinikës Emergjente’’, shkroi Lenjani.
Ai tutje i ka uruar sukses drejtorit të ri që do ta pasojë.
Postimi i plotë:
Njoftim.
Të nderuar qytetarë dhe bashkëpuntorë të çmuar, përmes kësaj shkrese ju vëj në dijeni se nga data 27.11.2021 nuk do të jam më drejtues i Klinikës Emergjente të SHKSUK-së, për shkak të ndikimit politik dhe Bordit drejtues të SHSKUK-së, sepse shpallja e rezultateve të testimit vlerësues ishte skandaloz.
Pavarësisht nga kjo unë do të ndjek procedurat e ankimimit.
Kësisoj, nga sot jam i lirë dhe ndjehem krenarë për kontributin e dhënë 34 vjet në shërbimet emergjente në nivel vendi.
Poashtu falenderoj stafin e Klinikës Emergjente si dhe te Klinikave tjera te QKUK-së për mbështetjen dhe bashkëpunimin korekt gjatë gjithë kohës së menaxhimit të Klinikës Emergjente.
Me këtë rast, drejtorit që do të më pasojë i uroj suksese dhe punë tē mbarë.
Ps.
,,Dëshira për hakmarrje është susta më e fuqishme e shpirtit shqiptar”
Faik Konica
,,Mjerimi i shqiptarëve ka qenë në tërë kohërat të kapej pas individëve dhe jo pas ideve”
Faik Konica
Të dhënat informative si dëshmi flasin;
– 250 Publikime në revista e ndryshme ndërkombëtare
– 48 Citate në revistat e ndryshme ndërkombëtare
– 21 Libra të botuara
– Dekoratë nga Presidenca e Kosovës
– Falenderim nga Ambasada Amerikane , Turqisë, OSBN etj.