Një aksident i rëndë komunikacioni ka ndodhur mëngjesin e së dielës në autostradën Bregana-Lipovac afër Slavonski Brod.
Gazeta Online ‘Reporteri.net’ mëson nga burimet e saj, se në mesin e dhjetë viktimave janë edhe dy gra nga komuna e Gjakovës.
Reporteri mëson se viktimat ishin nënë e bijë dhe po udhëtonin nga Gjermania për në Kosovë bashkë me 65 pasagjerët tjerë që ndodheshin në autobusin e Deva Tours.
Përveç dy viktimave të lartpërmendura, edhe shoferi që humbi jetën në aksident ishte po ashtu nga Gjakova.
Identiteti i nënës dhe vajzës që gjetën vdekjen në aksidentin tragjik është i njohur për redaksinë e Gazetës Online ‘Reporteri.net’, por për shkak të ndjeshmërisë së rastit, Gazeta ka vendosur që të mos i publikojë. /Reporteri.net