Zëvendëskryeministrja e Kosovës, Donika Gërvalla, njëherit edhe ministre e Punëve të Jashtme siç duket nuk po i duron kritikat e gazetarëve ndaj saj. Kjo pasi që Gërvalla e ka bllokuar në rrjetin social Twitter, gazetarin Berat Buzhala.
Buzhala ka shkruar në Facebook se “blloku” nga Gërvalla i erdhi për shkak të kritikës së bërë për qëndrimet e fundit të saj.
Ai gjithashtu ka përmendur edhe vendimin e një Gjykate në Amerikë që ia kishte ndaluar ish-presidentit, Donald Trump, bllokimin e qytetarëve, meqë ishte konsideruar se liria e fjalës është më e rëndësishme se çdo gjë tjetër kur bëhet fjalë për interesin publik.
/GazetaSinjali/
