1 mijë e 344 persona kanë vdekur që nga fillimi i pandemisë së Covid-19 në Kosovë në muajin shkurt.
IKSHP ka njoftuar se brenda 24 orëve janë raportuar 4 raste të vdekjes me SARS CoV-2 pozitiv nga komunat: Prizren 2 raste (90, 59 vjeç), Malishevë 1 rast (55 vjeç), Prishtinë 1 rast (89 vjeç).
Nga 1057 mostra të marra nga ShSKUK dhe gjurmimi i kontakteve të rasteve në terren në 24 orët e fundit kanë rezultuar 234 raste pozitive.
Numri total i rasteve pozitive është 51.965 raste nga 187.088 persona të dyshimtë në virusin SARS-CoV-2.
Gjatë 24 orëve të fundit, janë shëruar 420 pacientë derisa numri i përgjithshëm i të shëruarve deri më sot është gjithsej 42.635 raste, kurse numri i rasteve aktive është 7.986.
IKShPK apelon te të gjithë qytetarët që të vijnë të testohen në SARS-CoV-2 sipas indikacioneve epidemiologjike, në të gjitha Qendrat rajonale të shëndetësisë publike në Kosovë. /Reporteri.net/.
