Këtë të shtunë u regjistruan edhe 75 raste të reja me koronavirus në Kosovë, duke bërë që numri i përgjithshëm i të infektuarve të kalojë shifrën mbi dy mijë, përkatësisht 2,073, transmeton Gazeta Metro.
Ashtu siç bërë të ditur Institutit Kombëtar i Shëndetësisë Publike, Prishtina po prinë edhe sot me më së shumti të infektuar, ku brenda 24 orëve ka shënuar 36 raste të reja, e pasuar nga komuna e Vushtrrisë, e cila ditë më parë ishte edhe vatër e këtij virusi.
“Rastet pozitive janë nga: komuna e Prishtinës 36 raste, komuna e Vushtrrisë 9 raste, komuna e Mitrovicës 7 raste, komuna e Prizrenit 5 raste, komuna e Fushë Kosovës 5 raste, komuna Skenderaj 4 raste, komuna Istog 3 raste, komuna Rahovec 2 raste dhe me nga 1 rast komunat: Gjakovë, Lipjan, Mamushë dhe Pejë”, thuhet në njoftim.
Gjatë 24 orëve të fundit, nga sëmundja Covid-19, që e shkakton koronavirusi janë shëruar edhe 38 persona, duke bërë që numri i përgjithshëm i të shëruarve të arrijë në 1,018.
Ndërkaq, 35 pacientë kanë vdekur që prej se rastet e para me koronavirus u regjistruan në Kosovë më 13 mars. /gazetametro.net