Si çdo vit, në natën mes të shtunës dhe të dielës së fundjavës së fundit të tetorit, fillon periudha e ndryshimit të orës.
Këtë vit, akrepat do të kthehen një orë prapa natën mes 24 dhe 25 tetorit, kur ora 03:00 do të bëhet 02:00, duke shënuar fillimin e orës dimërore.
Ora dimërore do të qëndrojë në fuqi deri më 28 mars 2027, kur si gjithmonë në orën 03:00 të mëngjesit do të hyjë në fuqi ora verore.
Përcaktimi i ndryshimit të orës nuk ka asnjëherë datë fikse, por aplikohet gjithmonë natën mes të shtunës dhe të dielës së fundit të muajit tetor dhe muajit mars.
Që prej vitit 1981, u vendos ligji që ndryshimi i orës të bëhet në të gjithë shtetet e Evropës.
Pavarësisht diskutimeve të vazhdueshme, nuk ka shenja se ndërrimi sezonal i orës do të hiqet së shpejti.
Parlamenti Evropian votoi për t’i dhënë fund kësaj praktike në vitin 2019, por vendimi nuk u zbatua për shkak të mungesës së një marrëveshjeje mes shteteve anëtare për mbajtjen e përhershme të orës verore ose dimërore.
Ndryshimi i orës mund të ndikojë përkohësisht në orën biologjike të organizmit, duke shkaktuar lodhje, vështirësi në përqendrim dhe probleme me gjumin.
Më të ndjeshëm ndaj këtyre ndryshimeve janë fëmijët, të moshuarit dhe personat që punojnë me turne.