Acari vazhdon edhe të martën

Të martën parashikohet mot me vranësira dhe intervale me diell, por do të jetë goxha ftohtë.

Në pjesën e parë të ditës mund të ketë ndonjë reshje të izoluar bore.

Era do të fryjë drejtimesh të ndryshme por më dominues nga jugperëndimi, e cila herë pas here pritet të jetë mjaft e fuqishme, veçanërisht në rajonin e Gjakovës, me shpejtësi prej 15-54 km/h.

Temperaturat do të shënojnë ngritje të ndjeshme gjatë ditës, me minimale që do të lëvizin prej -10 deri në -6°C, ndërsa ato maksimale prej 3 deri në 7°C.