Emilija Rexhepi: Do e votojmë qeverinë ‘’Kurti’’, por nuk e di a formohet

Nënkryetarja e Kuvendit të Kosovës, Emilija Rexhepi, ka folur rreth mundësisë së formimit të Qeverisë.

Rexhepi, nuk ka dashur të komentoj fare kërkesën e deputetes tjetër boshnjake, Duda Balje për formimin e komunës boshnjake, si kusht për të votuar Qeverinë ”Kurti”.

‘’Nuk e di, unë nuk merrem me Duda Balje, më mirë do të ishte të merrej shteti me Baljen dhe Shehollin, s’jam e interesuar me komentuar’’, tha Rexhepi.

Në anën tjetër, ajo tha se do e votoj Qeverinë ‘’Kurti’’, por se nuk e di nëse do të formohet një e tillë, por që ka shpresa për këtë gjë.

‘’Nuk e di, shpresoj, ne do e votojmë Qeverinë’’, tha ajo për Front Online.