Ditën e premtë pritet të ketë një destabilizim të përkohshëm të kushteve meteorologjike, me ç’rast orëve të pasdites dhe në mbrëmje do të ketë zhvillime të rrebesheve dhe bubullimave.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Lokalisht rrebeshet do të jenë më të dendura, e të shoqëruara dhe me breshër e erë. Temperaturat maksimale zbresin në 33C e 35C. Frynë erë veriore mesatare e mesatarisht e fuqishme 5-13m/s.
Ditën e shtunë mbeten ende vransira të shoqëruara orëve të pasdites me ndonjë rigë lokale shiu, ndërsa ditën e diel parashihen më shumë intervale me diell.
Temperaturat zbresin në 27C e 28C.
Ditën e hënë dhe të martë, me kalimin në muajin korrik, parashihet mot kryesisht me diell dhe i nxehtë. Temperaturat maksimale shënojnë sërish rritje në 30C e 31C. Minimalet gjatë kësaj periudhe luhaten ndërmjet 13C e 17C. Erërat frynë kryesisht nga krahu verior, në fundjavë me hove mbi 15m/s, njofton Mendimi për Motin.
