Kryetari i LDK-së, Lumir Abdixhiu ka thënë se Albin Kurti po flet pa fije inteligjence, referuar deklaratës së djeshme të kryeministrit në detyrë, i cili tha se “opozita po ia zgjatë mandatin”.
“Mos i dëgjoni të gjithë njerëzit që flasin pa fije inteligjence. Si po ja zgjasim mandatin zotit Kurti? Është jolegjitim, pa mandate, e ka uzurpuar detyrën e kryeministrit dhe të deputetit në të njëjtën kohë”, tha sot Abdixhiku.
Kurti dje tha se “opozita po i zgjatë mandatin”.
“Ju të gjithë e dini se unë kam hyrë në çerekun e dytë të vitit të pestë të mandatit të plotë. Çdo opozitë demokratike përpiqet t’ia shkurtojë mandatin qeverisë, përveç opozitës kosovare, e cila – siç jeni dëshmitarë që po ia zgjat mandatin qeverisë aktuale”, tha Kurti gjatë një deklarimi për media, shkruan gazeta online Reporteri.net. /Reporteri.net/
