Kryetari i Degës së LDK-së në Ferizaj, Visar Azemi ka thënë se sekotori i energjisë për katër vjet është shkatërruar nga mafia energjetike e udhëhequr nga njerëz të Vetëvendosjes.
Sipas tij, qeveira e ka kapur KEK-un, dhe atë haptas e pa turp.
E plotë:
Një tjetër skandal i Qeverisë në detyrë dhe përsëri në sektorin e energjisë.
Ky sektor është shkatërruar në 4 vjetët e fundit nga mafia energjetike e udhëhequr nga njerëz të Vetëvendosjes.
Sot, Gazeta Infokus ka njoftuar se drejtori i sapozgjedhur i KEK-ut, Ylber Batalli, është financues i Lëvizjes Vetëvendosje.
Kjo është kapje klasike e shtetit dhe po bëhet haptas dhe pa turp.
Emërimi i njerëzve me lidhje të drejtpërdrejta me pushtetin është shkelje e çdo parimi.
Në KEK nuk duhet të ketë vend për militantë sepse institucionet publike nuk janë pronë partie.
