Ministri i Mbrojtjes së Kroacisë, Ivan Anushiq, në kuadër të Konferencës së Sigurisë në Mynih të Gjermanisë është takuar edhe me zëvendës-ndihmës sekretarin e Mbrojtjes amerikane për Politika Evropiane dhe të NATO-së, David Baker.
Anushi ka thënë se në këtë takim ka theksuar se çelësi i sigurisë së Evropës Juglindore është Kosova dhe se prania e ushtrisë amerikane në Kosovë përmes KFOR-it është shumë e rëndësishme.
“U takova me Zëvendës Ndihmës Sekretarin e Mbrojtjes për Politikat Evropiane dhe të NATO-s, David Baker. Në mënyrë të veçantë theksova se çelësi i sigurisë në Evropën Juglindore është Kosova dhe se prania amerikane përmes KFOR-it është jashtëzakonisht e rëndësishme”, ka shkruar Anushiq.
Ai gjithashtu ka treguar se Kroacia është e angazhuar fuqishëm për pajisjen dhe modernizimin e Ushtrisë Kroate, së bashku me SHBA-në, duke thënë se Kroacia po pajisë Forcat e Armatosura me Bradley, Black Hawks dhe sistemin raketor Himars.
Susreo sam se sa zamjenikom pomoćnika američkog ministra obrane za europske i NATO politike Davidom Bakerom. Posebno sam apostrofirao da je ključ sigurnosti na jugoistoku Europe – Kosovo i da je američka prisutnost kroz KFOR izuzetno važna. Istaknuo sam i da je Hrvatska snažno… pic.twitter.com/azYoX4vYvE
— Ivan Anušić (@ivananusic12) February 15, 2025
