Kosovarja 25 vjeçare e zhdukur që nga nëntori, policia kërkim ndihmë ta gjetur

Policia e Kosovës ka kërkuar ndihmë për gjetjen e një personi të zhdukur.

Bëhet fjalë për një 25 vjeçare nga Lipjani, e cila është raportuar e zhdukur më 20 nëntor të vitit të kaluar.

Policia njofton se për rastin janë intervistuar disa persona, janë bërë kontrolle në hyrje-dalje të pikave kufitare, kërkime në zona që personi kishte frekuentuar zakonisht.

Njoftimi i plotë:

Kërkesë për bashkëpunim

Me datë 20.11.2024, në polici është raportuar për një person të zhdukur.

Bëhet fjalë për personin, Arianita Gajtani e lindur në vitin 1999, banuese në Lipjan.

Që nga dita e raportimit deri më tani, njësitet policore të hetimeve, kërkimeve si dhe patrullat në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si:

-intervistime të personave që mund të ndihmojnë në gjetjen e vendndodhjes së personit,
-kontrollimi i hyrje- daljeve, në të gjitha pikat kufitare,
-kërkime në zona që personi kishte frekuentuar zakonisht (ambiente të mbyllura dhe të hapura),
-analizimi dhe hetimi i çdo lloj informacioni që lidhet me personin etj.

Edhe pse veprimet dhe kërkimet policore janë duke vazhduar, pas marrjes së autorizimit nga ana e prokurorit të shtetit, nga ana juaj kërkojmë kontributin tuaj qytetar.
Të gjithë ata që kanë çfarëdo lloj informacioni, që ndërlidhet me të, t’i përcjellin ato policisë përmes numrit 192.