Prokuroria Speciale e Republikës së Kosovës sot arrestoi një të dyshuar për spiunazh në Mitrovicë. Gazeta online Reporteri.net ka mësuar se i arrestuar është serbi Aleksandër Vlajiq.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
I njëjti me aktvendim të Prokurorit të Shtetit nga Prokuroria Speciale është ndaluar prej 48 orësh dhe për momentin nga Policia e Kosovës janë duke u kryer bastisje në banesën e të dyshuarit.
Vlajiq, ka aktakuzë të ngritur nga Specialja pasi bashkë me Dejan Pantiq, Milun Milenkoviq dhe Miomir Vakiq, kishin kryer sulm terrorist ndaj zyrave të Komisionit Komunal Zgjedhor (KKZ) në Mitrovicën e Veriut.
Sipas aktakuzës, ata kishin hedhur granata dore dhe shok bomba.
Aksioni i sotëm për arrestimin e Vlajiqit, u krye nga Prokuroria Speciale e Republikës së Kosovës në bashkëpunim me Agjencinë e Kosovës për Inteligjencë dhe Policinë e Kosovës – Drejtorinë Kundër Terrorizmit. /Reporteri.net/.
