Zëdhënësi i VV-së del me postim para protestës, akuzon Thaçin për mungesë qëndrimi: Në intervistën nga Haga ishte shumë i butë me Specialen

Zëdhënësi i VV-së, Arlind Manxhuka ka thënë se protesta e sotme, e cila është thirrur në mbështetje të krerëve të UÇK-së që po mbahen në paraburgim në Hagë dhe kundër, siç është thënë “padrejtësive ndaj çlirimtarëve”, është dhjetë vjet e vonuar.

Manxhuka ka shkruar se është dashur që Gjykata Speciale të kundërshtohet që qysh në verën e vitit 2015. Ai thotë se historia e Kosovës dhe lufta çlirimtare nuk mund të ndryshohet, por as historiku i themelimit të Gjykatës Speciale.

Manxhuka derisa ka përmendur shpenzimet që Qeveria Kurti ka paguar për mbrojtjen e të akuzuar ve në Hagë, ka thënë se ish-presidenti Thaçi në intervistën e tij nga Haga, pra një jave, ishte shumë i butë me Gjykatën Speciale.

Maxhuka tutje akuzon PDK-së se çështjen e ish-krerëve të UÇK-së që ndodhen në Hagë e ka përdorur shumë më tepër kundër qeverisë Kurti sesa për lirimin e të akuzuarve.

“Protestat nuk mund ta zëvendësojnë a kompenzojnë mungesën e qëndrimit të tij”, shkruan ai.

Postimi i plotë:

1. Protesta është dhjetë vjet e vonuar. Është dashur që në verën e vitit 2015 të kundërshtohet pushteti i atëhershëm.

2. Nuk mund të ndryshohet historia e Kosovës dhe lufta çlirimtare por as historiku i themelimit të Gjykatës Speciale.

3. Kosova ka nevojë për gjykata normale që dalin pas vettingut dhe për kryeprokuror të ri e jo për gjykata speciale jotransparente të cilat janë jashtë praktikave ndërkombëtare.

4. ⁠Për më pak se pesë vjet qeveria Kurti ka paguar mbi 33 milionë euro për mbrojtjen e të akuzuarve në Hagë dhe shpenzimet e tjera atje.

5. ⁠Në intervistën e tij nga Haga para një jave, ish presidenti dhe ish kryeministri Thaçi ishte tepër i butë me Gjykatën Speciale. Protestat nuk mund ta zëvendësojnë a kompenzojnë mungesën e qëndrimit të tij.

6. ⁠Fatkeqësisht, në vitin e pestë që po mbahen në paraburgim ish drejtues të UÇK-së, është e qartë që partia kryesore opozitare çështjen e tyre e ka përdorur shumë më tepër kundër qeverisë Kurti sesa për lirimin e të akuzuarve.