Presidenti i Serbisë, Aleksandër Vuçiq, ka ofenduar në mënyrë të ulët presidenten e Kosovës, Vjosa Osmanin.
Ai e ka bërë një gjë të tillë derisa po promovonte një fabrikë në Kaç – investim gjerman – dhe po fliste për Asociacionin e Komunave me Shumicë Serbe [Zajednicën].
Vuçiq u tall me presidenten Osmani.
“Më së miri është që Asociacioni të ketë të drejtën të prodhojë qese për krem-banane. Eventualisht tri shkrepësa dhe dy lapsa për fundvit dhe kështu Vjosa Osmani të jetë e lumtur”, ka thënë në mënyrë ironike Vuçiqi.
“Asociacioni o do të bëhet me kompetencat që jemi marrë vesh në Bruksel ose faleminderit, ne punën tonë, ju tuajën dhe do të takohemi një ditë”, ka thënë Vuçiqi, përcjell “Kossev”.