Presidentja e Komisionit Evropian, Ursula von der Leyen, gjatë takimeve me Kurtin e Osmanin ka thënë se Kosova duhet të ulë tensionet në vend dhe t’i plotësojë hapat e nevojshëm për Planin e Rritjes.
Ajo poashtu ka bërë thirrje për formimin e institucioneve.
“Ne mbetemi të përkushtuar ndaj një të ardhmeje ku të gjashtë partnerët e Ballkanit Perëndimor janë pjesë e Bashkimit tonë. Për këtë, është e rëndësishme që Kosova të vazhdojë ndërtimin e institucioneve të forta. Të ulë tensionet në vend. Gjithashtu, Kosova duhet të përfundojë hapat e nevojshëm për të përfituar nga Plani i Rritjes”, ka shkruar von der Leyen në llogarinë e saj në platformën “X”, ku ka bashkangjitur edhe foto nga takimi me Osmanin dhe Kurtin.
