Vodhën rreth 2 mijë euro në Vushtrri me arsyetimin se do t’i përdornin për bamirësi, arrestohen dy persona

Dy persona, shtetas të Maqedonisë, janë arrestuar nga policia kufitare nën dyshimin se kanë kryer veprën penale “mashtrim”, shkruan Gazeta Sinjali.

Siç mëson Gazeta Sinjali nga burimet e saj, të dyshuarit nën pretendimin se po mblidhnin para për bamirësi, ia kanë vjedhur një personit 1 mijë e 750 euro.

Të dyshuarit janë verifikuar përmes kamerave të sigurisë.

Kurse, policia ka arritur që nga totali i parave të vjedhura, t’ia konfiskojë të dyshuarve 1 mijë e 400 euro dhe t’ia kthejë viktimës../Gazeta Sinjali/