Vjosa Osmani reagon ndaj vendimit të gjykatës serbe për Aleksander Vulinin

Ushtruesja e detyrës së presidentit, Vjosa Osmani ka reaguar për vendimin e gjykatës në Beograd që i dha të drejtë Aleksander Vulinit për përdorimin e termit racist dhe pezhorativ “shiptari”.

Me anë të një postimi në Twitter, Osmani ka thënë se ky vendim është një njollë tjetër në historinë e humnerës së qeverisë serbe.

Ajo ka thënë se vendimi duhet të jetë një hapje sysh për të gjithë ata që kanë shpresuar ndonjëherë se Serbia do të përmirësohet.

“Urrejtja serbe e mbështetur nga shteti serb ndaj popullit tonë ka qenë mbizotëruese gjatë gjithë historisë sonë. Vendimi i sotëm i gjykatës për të miratuar racizmin ndaj shqiptarëve është një njollë tjetër në historinë e ‘humnerës’ së qeverisë së tyre. Ky vendim duhet të jetë një hapje sysh për të gjithë ata që shpresonin që Serbia do të përmirësohej”, ka shkruar Osmani.