Një vjedhje e rëndë ka ndodhur dje në Drenas, ku disa persona kanë hapur një bankomat me eksploziv dhe kanë vjedhë një shumë të parave, shkruan Gazeta Metro.
Përmes raportit 24-orësh, Policia e Kosovës njofton se rasti ka ndodhur dje, rreth orës 04:00 të mëngjesit.
Siç bëhet e ditur tutje, hajdutët kanë përdorur mjete eksploduese për të hapur bankomatin.
“Persona të dyshuar të panjohur duke përdorur mjet eksplodues kanë hapur bankomatin dhe kanë vjedhur një shumë të parave”, thuhet në raportin e Policisë.
Detaje të tjera nuk janë bërë të ditua, ndërsa njësitet policore janë duke e hetuar rastin./gazetametro.net
