Persona të panjohur kanë goditur një objekt të Trepçës dhe kanë shkaktuar dëme të mëdha financiare.
Ngjarja është raportuar sot, rreth orës 08:05 në rrugën “Shala e Bajgorës”, nga ankuesi Q. B.
Sipas informacioneve, hajnat kanë arritur të vjedhin dy trafo, konkretisht pjesët e brendshme të bakrit, ndërsa vlera e dëmit vlerësohet të jetë nga 60 mijë deri në 80 mijë euro.
Në vendngjarje kanë dalë njësitet policore, hetimet e stacionit, hetimet rajonale dhe krim-teknika, të cilat kanë kryer ekzaminimet e nevojshme.
Dyshohet se vjedhja është kryer gjatë natës, në mes datave 30 prill dhe 1 maj 2026, ndërsa motivi besohet të jetë përfitimi material.
Me urdhër të Prokurorit të Shtetit, rasti është iniciuar si “Vjedhje e rëndë” dhe hetimet janë në vazhdim./Sinjali/